Esta fin de semana que ven é a concentracion de Combarro. Quen ten idea de ir? Habera que falar do tema; se imos por mar ou por terra, cantos imos para inscribir barcos e tripulacions, etc. Se cadra, poderiamos vernos o mercores pola tarde. Poñédevos en contacto.

Este sábado que ben, imos facer unha Varada de barcos tradicionais na praia de San Tomé, onde antigamente se varaban as tipoloxías máis abundantes no porto de Cambados: dornas mecas, dornas de tope, racús, lanchas do xeito e sobre todo Gamelas de Cambados. Estas últimas eran unhas gamelas propias dun porto como Cambados situado no fondo da Ría, con moita seca e especializadas para o marisqueo a flote, se ben tamén se empregaban para a pesca con liña e as chamadas artes menores. Podían chegar até os 6,50m de eslora e aparellaban con vela latina con martelo. A distribución de cuberta era semellante ás dornas, con tilla e cadeira, moi cheas de proa e afiadas na popa; se ben, o espello variaba en función das preferencias do armador. Pero quizás a característica principal era o quillote pronunciado para aguantar pano e evitar a deriva. Na programación estaba previsto a botadura da recuperación dunha destas gamelas, desaparecidas dende os anos 50 do século pasado.

botadura da muller... A nosa filliña, que xa e toda unha muller, volve a disfrutar das augas e os ventos da ría xunto con nos dende o sábado 22 de maio. Logo dos traballiños deste ano, que non foron moitos pero si merecidos, a muller de balboas obtivo a sua liberación o cautiverio xustificado que nos obriga a retela nalgúns momentos. E nesta vez nun entorno con máis encanto que o abúlico espíritu contido no formigón de tragove... o porto de San tomé. Onde meior que frente o noso local social ( a sede ) poderíase desenrrolar un acontecemento tan importante para nos como é a botadura e o seu ritual, algunhas veces máis atribalado que outras (os vesiños poden dan fe disto). E xa que din que unha imaxe vale máis que mil palabras excuso seguir escribindo dando paso o que aconteceu nesa tarde de maio...

Un pouco tarde, gustaríanos engadir ao blog algunha foto da tripulación na realización das tareas de rahabilitación dos barcos. Este ano e por segunda vez, foron feitas nunha nave ubicada en Corvillón, case na fronteira (só imaxinaria, de momento) con San Miguel. Ofrecida pola nosa amiga, non socia, pero si colaboradora, Socorrito. Aqui fiséronselle os amaños precisos para capacitar á nosa querida dorna de tope A Muller de Balboas para a navegación deste ano .  E, como xa non goza do privilexio de ser filla única, tocoulle compartir o chumichurri ca súa irmá pequena, de distinto pau, a Julicheira, dorna de escarba, tan anhelada polos nosos socios máis nostálxicos... As fotos que engadimos non son moitas, nin boas, nin reflicten o traballadores que somos. Pero ben... Dio-lo paje .   Nesta, o presidente Majete, Milena, Gato e o resto da fauna (tao e outro jato ) Óscar, " erre que erre ", co chumichurri.